Dt 3rd March.2012(Rengkhawpui)

Vairengte Exicise ten Ruihhlo siamna atana an hman chi Damdawi mum TEFA tha hnem an tak man.

       Vairengte,3rd.March.2012 : Dt 1.3.2012(Ningani) zan dar 9:30 vel khan Vairengte Excise & Narcotics Departmente chuan Vairengte Excise Gate-ah chawhmeh phur motor atangin TEFA  mum 4,54,729 (59.5 Kg)an man a ni.
              Heng damdawite hi Truck No. AS11-AC 4699 (1109 Truck) atanga man a ni a,Excise O.C sawi dan chuan heng damdawi te hi chawhmeh karah Rambo Polythene-ah dahin an haichhuak a ni. An man lai hian a neitu chu a hnunglamah  Alto car in a lokal tur thu an sawi a,mahse a lo lang ta lo a ni.He damdawi neitu tak hi hriat chian a la ni lova,Truck Driver Aziz Ahmed Babhuiya, kum 22,S/o Tafazul Ali Babhuiya(L),Nutan,Ramnagar Part IV,P.O Dakshin leh a phur tel pakhat Saha Alam Talukdar,kum 26 S/o Islam uddin Tallukar,Bhaga mite chu man tel an ni.Heng an mi man te hi U.S 25A29ND&PS Act 1985 hnuaia man an ni a,Special Judge Court Aizawl ah hruai tur an ni.Nimin tlai dar 3:00 bawr vel khan an Motor man nen hian Aizawl lam an pan nghal a ni.
    O.C sawi dan chuan he TEFA tablets hi Burma leh khawchhak lamah chuan ruihhlo dang siam nan an hmang thin a ni.He damdawi ah hian Pseudo Ephedrine Hydro cloride - 60 mg leh Tripolidine Hydrocloride-25 mg. te an awm a,heng chemical zingah ruihna tur bik  hi thlifimin ruihhlo dang siam nan an hmang leh thin a ni.Hetiang ang damdawi hi mizoram Excise & Narcotic hian an la hmel hriat tam vak lova, Dt 16 leh 17 khan Aizawl dak In puiah pawh Speed post hmanga an thawn an lo man tawh a ni.
    Hetiang ruihhlo ang chi hi tunlai hian NCD(Narcotic Control Bureau)te chuan  buaipui in India ram atangin Burma lamah a luh nasa thu O.C hian a sawi a ni.

Speaker-in Hydel Project enfiah dawn
Nimin khan mizoram Assamble Speaker Pu Lalrammawia chuan Kolasib ah Chapchar kut a hman pui a,Vawiin lam hian NEEPCO hnathawhna hmun Tuirial Hydel Project,Saipum bul a mi chu an hnathawh dan leh an hmalak tawh dan te a hmunah kalin a enfiah dawn a ni.Hetah hian Vairengte SDO(C) leh SDPO te pawhin an tawiawm dawn a,Speaker hian tlailamah Aizawl a pan leh nghal dawn a ni.

VC-I Seating nei
Nimin chhun dar 12:00 khan VC-I lam ten VC House a Seating an nei a,hetah hian Charge inhlanna leh an neih a ni.Tuntum MGNREGS Ni 14 inhlawhna lo thleng tur atan hnathawhna hmun tur atan High School Tuikhuah panna kawng leh High School Tuikhuah atanga Auto Stand in kar kawngte siam a nih tur thu VCP hnen atangin thu kan dawng a ni.

Sanctuary kal thulh.
Joint YMA hruaitute chuan nimin  leh vawiin a zan riak a Sanctuary-ah demarcation neih an tum chu khua in a bumro avangin thulh a ni a,kal leh hun tur chu committee a ngaihtuah that leh a nih tur thu kan dawng a ni.

Fire Prevention Day Hmang dawn
Vawiin  zing dar 10:00 hian VC-II lam te chuan Bazar tlangah Fire Prevention Day an hmang dawn a,Hetah hian VCP hlui Pu K.Kailiana’n thusawina nei VCP, Pu R.Lalfamkima chairman a ni dawn a ni.He Day an hman tur hi MGNREGS in hlawhna anga chhiar a ni dawn a ni.

EFCI Founder President lokal
Nimin khan EFCI Founder President Pu Rochhunga Pudaite chu Aizawl a ama lehkhabu ziah ‘Ka hringnun’ tih chu a realease zawh hnuin Vairengte chhim veng EFCI biakin a tlawh a,Amah hi Bible for the World a President ni lai a ni a,He biak in ama hmalakna a sak anih thu kan dawng bawk a ni.

SDO(C) in vote V.C-I chhiartute kokhawm
SDO(C) chuan vawiin lamah Speaker Tuirial Hydal Project-ah zui a ngaih thut avangin vawiin lama kohkhawm a tum chu nizan khan VC-I a Vote chhiartute a ko khawm a,he thu chhuah lai hian chanchin kimchang kan hre hman lo a ni.

VC-II Work Plan
VC-II lam VCP R.Lalfamkima hnen atanga thu kan dawn danin March thla MGNREGS hnatawhna tur atan  VC-II lamin an duan lawk chu hetiang hi a ni.
1.Phaisen Road to Aitlang hnar
2.PHE Pump to Aitlang mawng(Pu Hauchhawna) Phai kal tlangin
3.Hemon veng kawng laih leh Park sam fai. te a ni.

VAIRENGTE RIFLE CLUB HRIATTIRNA
    Vairengte Rifle Club  chuan March ni 8 hian Open Shooting Compettition Senior leh Junior Category buatsaih a tum a, Compettition a tel tumte tan a hnuaia tarlanah hian Entry Form ala lak chhuah e.
Entry Form Lak chhuahna hmun tur    :1). Raltec Enterprise Zalenveng (Near     Thelma Hotel)
2). Pu Lalengkima,Rengkhawpui Editor,Venglai
Entry Fee Junior & Senior        :Rs. 50/-
Senior Age Limit            :18yrs above (Birth Certificate a ngai lo)
Junior Age Limit            :Below 18 (Birth Certificate A ngai)
    Target hlat zawng- 10 Meters.


 Editorial :
       Ti hian ka ngaih tuah thin,Vairengte hi khaw in lungrual kan ni reng em?kan in lungrual lo kan ti fo thin a,lungrual tak a thil tih erawhchu kan tum chuang lo a,tute dik lohna emaw kan hre chiang viau a,chutichungin thil dik tak a tih erawchu kan tum chuang lo.Midang chawimawi kan hre viau a,mahni erawh in chawimawi phet kan tum tlat si thin a nih hi...Kristian kan in ti a,Kristian tih atan a mawi lo takin eizawnna leh midang chungah kan ti leh si.. kan inhnemna chu midang pawh in an ti ve tho! kan ti leh thin.Khawtlang leh Ram vei kan in ti a,mahni lamah hlawkna chhe te tal a awm loh chuan engmah kan ti tha peih leh si lo.Pawl hruaitu leh hotu nih kan duh a,hnathawh leh thil tih ah hmahruai chu harsa kan ti leh thin.Tin, kan khawtlang hruaitute leh pawl hruaitute sawisel kan ching a,enge maw hun laiin kan phur hluai a,mahse midangin an ti ve lo ni a kan hriat chuan ka peih rei leh thin lo.Midangte sawisel ai chuan fak hi a tha a,fakna tur kan hriat loh chuan ngawih mai hi nun dan simple leh awlsam tak a ni ngei ang.

Posted in: Tualchhung